Бензема: „Ал-Хилал е Реал Мадрид на Азија“

Поранешниот напаѓач на Реал Мадрид, Карим Бензема, даде интересно споредување за саудискиот гигант Ал-Хилал, изјавувајќи дека клубот има статус сличен на „кралскиот клуб“ во Азија.

„Ал-Хилал е Реал Мадрид на Азија“, изјави Бензема, потенцирајќи ја доминацијата, традицијата и победничкиот менталитет на клубот од Саудиска Арабија.

Француската ѕвезда, која моментално настапува во саудиското првенство, нагласи дека Ал-Хилал е клуб со огромна база на навивачи, големи амбиции и континуирани успеси на домашната и континенталната сцена. Според него, притисокот за освојување трофеи и очекувањата секогаш да се биде најдобар го прават Ал-Хилал споредлив со Реал Мадрид.

Ал-Хилал важи за најтрофејниот клуб во Азија и е редовен учесник и фаворит во азиската Лига на шампиони, што дополнително ја зацврстува споредбата направена од Бензема.