Репрезентацијата на Македонија е во Грузија каде што утре ја очекува вториот натпревар од новата сезона во Лигата на Нации. Грузија можно е да биде и наша последна препрека за пласман на ЕП 2020.
Грузија ќе биде наш противник во финалето за пласман на ЕП ако ние го поминеме Косово, а тие Белорусија во полуфиналето. Селекторот Игор Ангеловски најави дека црвно-жолтите се во Тблиси по победа, но ја препушти фаворитската улога поради домашниот терен.
Исхрана, повреди и тренинг – совети од доктор по спортска медицина | Уште еден поткаст
„Грузија е една добра репрезентација и заслужуваат респект за резултатите кои ги имаат во Лигата на Нации и квалификациите. Јас се надевам дека ќе победиме во полуфиналните баражи, па ќе се соочиме и во финалето за ЕП, овој натпревар нека биде загревање за финалето“, изјави Ангеловски.
И Македонија и Грузија новата сезона во Лигата на Нации ја отворија со победи, ние ја победивме Ерменија, а тие на гости славеа против Естонија со 1:0.
„Јасно е дека формата не ни е на посакуваното ниво, меѓутоа во фудбалот најважно е да се победи. Јас сум задоволен кога сите за репрезентацијата го даваат максимумот. Победата секогаш е наша цел, верувам во момците. Утре нека победи подобриот“, порача селекторот.
Учество во игри на среќа е дозволено за лица со 18+ години. Играј одговорно!