Aнализа на ЕХФ: Бранителот на титулата никогаш не бил вака нестабилен

На Вардар сезонава многу потешко му оди за разлика од претходните години во Лигата на шампионите.

Македонскиот и актуелен европски шампион на отварањето на вториот дел од сезоната запиша нов убедлив од Кил со 11 голови разлика. Иако во овој натпревар Вардар 45 минути и не изгледаше така лошо.

Вардар е во криза подолго време и тоа им е јасно, ЕХФ сега направи анализа на македонскиот тим и објаснува дека црвено-црните не се истиот тим од лани и дека го загубиле ритамот.

„Вардар минатите години знаеше да излезе како победник од улогата аутсајдер, но оваа сезона тимот е во дупка од која тешко ќе излезе. Егзодусот минатото лето и најавата за заминување на Кристопанс и Шишкарев придонесоа бранителот на титулата да биде нестабилен како никогаш претходно. Сменети беа двајца тренери, сега на клупата е поранешниот репрезентативец на Македонија Стевче Алушовски. Сепак екипата не изгледа стабилизирано. Поразот од 34:23 против Кил ги покажа нивните слабоссти, Вардар сезонава е втор тим со најмногу примени голови (355) само четири помалку од Мотор Запорожје“, стои помеѓу другото во анализата на ЕХФ.