Раководството на Арсенал очекува да добие категоричен одговор од Хулиан Алварес и неговите претставници во врска со тоа дали аргентинецот е подготвен да се придружи на лондончани.
Според медиумите на Островот “топџиите” се подготвени да дадат понуда од околу 130 милиони фунти на Атлетико Мадрид за напаѓачот, но прво треба да бидат убедени дека тој ќе има мотивација да премине на “Емирејтс”, бидејќи во моментов аргентинецот не крие желба да ја продолжи кариерата во Барселона.
Официјалната позиција на “душексџиите” е дека Алварес не е на продажба и ќе игра во тимот на Атлетико Мадрид и во следната сезона. Атмосферата околу него, сепак, е многу тешка и вчера навивачите на тимот јасно го покажаа својот став кон напаѓачот. По завршувањето на натпреварот со Вилјареал, тој беше инструктиран веднаш да се врати во соблекувалната за да се смири тензичноста.
Атлетико категорично одбива да го продаде Алварес на Барселона или Реал Мадрид, бидејќи на “Метрополитано” имаат амбиција да се борат за титулата, па не сакаат да ги зајакнат своите директни конкуренти. Така, Арсенал може да се покаже како единственото излезно решение за аргентинецот, ако тој сака на секоја цена да го напушти својот сегашен клуб во преостанатата недела до затворањето на прозорецот. Токму поради оваа причина “Ас” тврди дека Алварес веќе не е толку ултимативен во изборот и би се согласил да се врати во Премиер лигата, ако трансферот во Барселона е апсолутно невозможен.
Според “Ди Атлетик”, расположението меѓу раководството на Атлетико е истото, бидејќи клубот гледа дека Арсенал е единствената можност за трансфер на Алварес ова лето, ако лондончани понудат околу 150 милиони евра за него.
Учество во игри на среќа е дозволено за лица со 18+ години. Играј одговорно!