Aрсенал летово веќе потроши речиси 300 милиони евра, а сега присигнува и уште едно засилување

Арсенал, иако потроши 293.5 милиони евра за нови играчи, не запре тука, бидејќи управата на клубот ќе го засили тимот со скапо засилување – одбранбениот играч на Баер Леверкузен, Пиеро Хинкапије (23), според британските медиуми.

Со оглед на тоа што полскиот репрезентативец Јакуб Кивиор, кој може да игра и како лев бек и како центархалф, преминува во Порто, тимот на Топџиите одлучи да донесе соодветна замена. Изборот падна на одличниот еквадорски играч. И Хинкапије успешно ги покрива двете позиции, слично како и Кивиор, а во Баер Леверкузен пристигна пред четири години од аргентинскиот Талерес, во трансфер вреден шест милиони евра.

Неговиот договор со клубот од Леверкузен важи до јуни 2029 година, а откупната клаузула изнесува 60 милиони евра. Сепак, Арсенал ќе го плати целиот износ на откупот следната година, бидејќи Хинкапије првично ќе пристапи на едногодишна позајмица во англискиот клуб.