Аморим за скандалот меѓу фудбалерите на Евертон: Би сакал и моите фудбалери да се тепаат!

Иако Евертон го одигра речиси цел меч со десет играчи по исклучувањето на Идриса Геја, сепак успеаја да го поразат Манчестер Јунајтед со 1:0. 

Тренерот на “црвените ѓаволи”, Рубен Аморим, се чини дека не мисли дека шлаканицата од Геја кон Мајкл Кин заслужила црвен картон. 

„Тепачката не е лоша работа. Не значи дека тие двајца не се почитуваат. Но, ако ја загубиш топката и ние примиме гол поради тоа, би се степал со тебе. Таков беше мојот впечаток. Не се согласувам со исклучувањето. Знам дека е прекршок, но не се согласувам. Се надевам дека и моите фудбалери ќе се степаат кога ќе изгубат топка. Очекувам дека нема да добијат црвен картон, но ова овде е добар интензитет, а не негативен”, изјави тренерот на Манчестер Јунајтед.

Проговори и за текот на натпреварот. 

„Тие беа подобри и со 11 и со 10 играчи. Не можевме да одговориме на нивниот интензитет и заслужија да победат. Другиот тим ни помогна со црвениот картон. Мора да влечеме повеќе во секоја ситуација. Требаше да ги притискаме повеќе во завршната трета.