Алонсо повика ѕвезда на состанок по првиот тренинг – веднаш ја реши неговата судбина

Чаби Алонсо започна во понеделник официјално својата епизода во Реал Мадрид бидејќи го одработи првиот тренинг со играчите кои ги има на располагање. Веќе на првиот тренинг шпанскиот тренер реши да реши она што најмногу го мачи Кралевите пред почетокот на летниот трансфер период.

Алонсо на крајот од минатата сезона го напушти Баер Леверкузен по повикот на Флорентино Перез, кој едноставно не можеше да се одбие, па прифати да биде нов тренер на Реал.

Младиот шпански тренер официјално беше презентиран во Мадрид крајот на минатиот месец, но својата ера ја започна во понеделник кога се појави на првиот тренинг.

Тимот на Реал се подготвува за Светското клупско првенство кое започнува за неколку дена, но јасно е дека поради репрезентативни обврски Алонсо не го имаше целиот тим на располагање.

Сепак, како што пишуваат шпанските медиуми, тој одлучи веднаш да го реши најголемото прашање кое го мачи кралскиот клуб, а тоа е судбината на Родриго.

Бразилецот не отиде на собир на својата репрезентација поради лесна повреда и одлучи да остане во Мадрид, па беше на располагање на Алонсо веќе на првиот тренинг.

Шпанските медиуми јавуваат дека Алонсо уште пред почетокот на тренингот му соопшти на Родриго дека сака да разговара со него поради многуте приказни дека е незадоволен и дека сака ова лето да го напушти Реал Мадрид.

Според Марка, разговорот траеше неколку минути, а Алонсо и Родриго видливо задоволни и насмеани излезеа од истиот.

Родриго му изјави на Алонсо дека е среќен во Реал Мадрид и дека сака да остане во клубот. Секако, на тоа допринесе и Алонсо кој му рече на бразилскиот играч дека сериозно смета на него, што беше токму она што Родриго сакаше да го чуе.

Фото: Grok AI