Македонскиот ракометен клуб Алкалоид испиша нова страница во својата историја, обезбедувајќи пласман во големото финале на ЕХФ Европскиот куп. Иако попладнево на гостувањето во Норвешка загубија од тимот на Рунар со резултат 29-34, македонските ракометари покажаа карактер и успеаја да ја завршат работата во драматична завршница.
Зошто проблемот со улични кучиња СÈ УШТЕ постои? | Уште еден поткаст
Благодарение на победата од 42-37 на првиот натпревар кој се одигра минатата недела во Скопје, вкупниот резултат беше израмнет, што доведе до изведување пенали за одредување на финалистот. Во пенал-серијата, Алкалоид беше посмирен и поконцентриран, триумфирајќи со 3-1, и на тој начин избори историски пласман во финале на едно европско натпреварување – првпат во историјата на клубот.
Во борбата за трофејот, Алкалоид ќе се соочи со грчкиот тим АЕК Атина, кој во другото полуфинале успеа да биде подобар од босанскиот претставник Извиѓач.
Фото: Принтскрин
Учество во игри на среќа е дозволено за лица со 18+ години. Играј одговорно!