Aјакс го „реши“ Ренџерс за едно полувреме, Спортинг изненади во Германија

Во терминот од 18:45 денес завршени се два натпревари од првото коло во Лигата на шампионите, а победи забележаа екипите на Ајакс и Спортинг.

Ајакс на свој терен го пречека Ренџерс. Домаќините беа апсолутни фаворити на свој терен и тоа го докажаа. Уште во 17. минута Ајакс дојде до водство преку Алварез. Само 15-тина минути подоцна веќе беше 2:0. Кудас му асистираше на Бергхјуз кој зголеми на 0:2.  Една минута подоцна резултатот повторно се промени, сега Кудас беше стрелец.

Веќе беше јасно дека Ајакс ги освојува бодови, а во второто полувреме холандскиот гигант со голот на Бергвин обезбеди триумф од 4:0.

Во вториот натпревар во истиот терминг Спортинг го изненади Франкфурт и во Германија го победи со 0:3. Првото полувреме не донесе многу возбудувања и на полувреме се замина со почетниот резултат.

Второто полувреме донесе три гола и сите три беа во мрежата на домаќинот. Едвардс го отвори резултатот после еден час игра, две минути подоцна Тринкао зголеми на 2:0, за конечните 3:0 да ги постави Сантос.