Aрсенал победи, но Емери има причина за незадоволство

Арсенал со победата против Хадерсфилд се искачи на третата позиција на табелата со 34 освоени бодови.

„Топџиите“ продолжија со одличните резултати, иако малку недостасуваше Хадерсфилд да извлече бод на „Емирати“.

Дури во 83-тата минута Арсенал дојде до гол откако Лукас Тореира постигна гол со ножички после нафрлувањето од Обамејанг.

Here is Lucas Torreira’s goal. #afc pic.twitter.com/SXgHojjNRu

— Kyle McDanell (@mcdanell99) December 8, 2018

Меѓутоа Унаи Емери има причина за незадоволство бидејќи за натпреварот против Саутемптон остана без двајца стопери.

На „Емирати“ беа видени дури девет жолти картони, а кај домаќините јавни опмени заработија Џака, Лихштајнер, Сократис, Мустафи и Гендузи.

За Сократис и Мустафи тоа беше петти жолт картон во сезоната што значи дека Емери нема да може да смета на нив за наредниот викенд кога Арсенал ќе игра против Саутемптон.