Aнгеловски: Казахстан е квалитетна репрезентација, одиграа 1:1 со Украина

Репрезентацијата на Македонија утре игра натпревар против Казахстан кој ќе биде последната контролка пред Европското првенство

Пред овој натпревар прес-конференција одржа селекторот Игор Ангеловски. Ангеловски очекува еден натпревар кој ќе биде посилен тренинг против квалитетна селекција која како што напомена во квалификациите за СП одигра 1:1 против Украина која е во нашата група на ЕП.

„„Натпреварот ќе го искористиме како еден посилен подготовителен тренинг. Украина не е од групата на Лихтенштајн и таквите репрезентации, одиграа 1:1 против Украина која ќе биде наш противник на Европското првенство и покажаа дека имаат квалитет“.

Изолацијата на Енис Барди денес завршува и тоа значи дека ќе може да почне да работи самостојно, се до добивањето на негативен ПЦР тест.

„На Барди денес му завршува изолацијата од 10 дена. Ќе тренира сам се додека не добие негативен тест, се надеваме дека ќе добие што побрзо и ќе ни се придружи“, порача селекторот.