Aнгличаните направија големи промени во куп натпреварувањата

Новата сезона во Англија ќе биде поинаква од претходните години бидејќи ќе дојде до големи промени во двете куп натпреварувања.

Англичаните веќе со години ги играат ФА Купот и Карабао, натпреварувања кои во сезоната 2020/2021 ќе се играат во нов формат.

Имено, организаторите одлучија целосно да го исфрлат повторувањето на натпреварот во случај на реми и во новата сезона ќе се игра по еден елиминационен натпревар.

ФА Купот ќе започне на 1 септември, а финалето е планирано да се одигра на „Вембли“ на 15 мај 2021 година, додека во Карабао купот нема да има реванши во полуфиналињата.

Причина за оваа одлука е згуснатиот распоред и преголемиот број натпревари видејќи новата сезона ќе биде пократка од претходните.