Селекторот на македонската репрезентација, Игор Ангеловски во изјава за италијанското радио „Кис Кис“ зборуваше за последниот настап на Елмас за Наполи.
Зошто проблемот со улични кучиња СÈ УШТЕ постои? | Уште еден поткаст
Елмас во игра влезе во 22. минута на местото на Инсиње и одигра навистина добар меч за тоа зборува и статистиката од натпреварот (повеќе за неговата статистика тука), а во второто полувреме успеа да постигне гол.
Ангеловски истакна дека Елмас е среќен што Гатузо ja променил тактиката.
„После натпреварот против Џенова разговарав со Елиф и му честитав за одличниот настап. Кога ќе победите 6:0 значи целиот тим играл добро, но јас сум многу задоволен од она што го видов од Елмас кој како и Наполи е се подобар и подобар“.
„Елмас е среќен што Гатузо почна да игра со формација 4-2-3-1. Во оваа формација Елиф може да покрие повеќе позиции во средниот ред. Според мене со таков систем Елмас може да постигне повеќе голови, тоа би било добро и за него и за Наполи. Најважно е што Гатузо верува во него“, изјави Ангеловски за италијанското радио.
Учество во игри на среќа е дозволено за лица со 18+ години. Играј одговорно!