Симеоне призна – само прашање на време е кога ќе го води Интер

Само неколку дена откако неговата сестра откри дека Симеоне еден ден ќе седне на кормилото на Интер, и самиот тренер потврди дека тоа е само прашање на време.

Симеоне, кој го носеше дресот на „нероаѕурите“ две сезони во интервју за италијанските медиуми призна дека еден ден ќе го предводи миланскиот гигант.

„Отсекогаш велам дека ќе го водам Интер еден ден и сериозно ја разгледувам оваа можност. Но, Интер во моментов има тренер кој одлично ја врши својата работа, а јас уживам водејќи го Атлетико“, изјави Симеоне.

Аргентинецот има договор со Атлетико Мадри до 2020 година, а и Интер неодамна го продолжи договорот со Спалети.

#Atletico, #Simeone annuncia: "Un giorno allenerò l'#Inter"?https://t.co/6ptdEgmzah

— Gianluca Di Marzio (@DiMarzio) September 11, 2018