Гвардиола купува нов голман, прва желба е Навас!

Манчестер Сити има право да ангажира нов голман откако резервниот голмн Клаудио Браво доживеа тешка повреда.

„Граѓаните“ моментално останаа само со првиот голман Едерсон и младинецот Даниел Гримшав, но имаат право да побараат од Фудбалската федерација да им дозволи доведување на уште еден голман и тоа на позајмица.

Прв избор на Гвардиола е голманот на Реал Мадрид, Кејлор Навас. Костариканецот минатите години беше прв избор на „кралевите“, но оваа сезона ќе биде резерва откако во клубот пристигна Тибо Куртоа.

Навас има договор со Реал на уште две години и прашање е дали сака да го напушти „Сантиаго Бернабеу“ со оглед на фактот што и во Манчестер ќе биде втор избор.