Поранешниот фудбалер на Интер верува во „новиот“ тим: Ќе бидеме на исто ниво со Јувентус

Управата на Интер рабти одлично во овој преоден рок.

Откако ги доведоа, Раџа Наинголан, Лаутаро Мартинез, Стефан Де Фрај, Квадво Асамоа, Шиме Врсаљко, следен е Артуро Видал, а денес се појави и сензационална вест дека преговораат со Лука Модриќ.

Со оглед на тоа дека многу веројатно ќе ги задржат Икарди и Перишиќ за кои владееше голем интерес, можеме да кажаме дека „нероаѕурите“ градат конкурентен тим.

Такво мислење има и поранешниот фудбалер на Интер, Никола Берти.

„Со Видал Интер ќе биде одличен. Навистина го сакам како играч. Тој знае да постигнува голови, но и да трча по целиот терен. Дава многу за тимот и се бори за секоја топка. Се надевам дека е вистина тоа што се пишува за него. Многу би помогнал во секоја смисла, како играч и како лидер. Со Видал ќе бидеме на исто ниво како и Интер“.

„Можам да ве убедам дека ќе се бориме за Скудетото и се надевам дека ќе одиграме добро и во Лигата на шампионите“, изјави Берти.