Јувентус ја купи младата надеж на Барселона

Торински Јувентус трансфер пазарот го продолжи во Барселона.

Синоќа челниците на Бјанконерите го завршија трансферот на 16-годишниот напаѓач Пабло Морено кој во Торино пристигнува од Барселона.

За услугите на овој талентиран фудбалер Старата дама издвои три милиони евра, а младиот Шпанец ќе се приклучи на младинската селекција на тимот од Торино.

Се работи за доста талентирано момче кој фудбалската кариера ја започна во Ла Масија, а член е и на младинската селекција на Шпанија.

Неодамна наполни 16 години и ова му е прв голем трансфер во кариерата.