Од Турција и Островот едногласни: Ливерпул постигна договор со Домагој Вида

Изгледа дека Ливепрул успеал да постигне договор со стоперот на Хрватска Домагој Вида.

Како што пренесуваат турските и островските медиуми, Вида ја прифатил понудата од Ливерпул, но се уште нема договор помеѓу Бешикташ и „црвените“.

Оваа година во Англија, преодниот рок завршува на 9 август, пред почетокот на новата сезона во Премиер лигата, па на клубовите им се брза со доведувањето засилувања. Освен со времето, Ливерпул се бори уште со Вест Хем и Арсенал кои исто така сакаат да го доведат Вида во своите редови.

Минатата недела медиумите пишуваа дека Бешикташ ја одбил првата понуда на Ливерпул барајќи сума која е поголема од 20 милиони евра.

Турскиот „А Спорт“ повикувајќи се на „Сан“ пишува дека Ливерпул постигнал договор со Вида за соработката на две години, со опција истиот да биде продолжен на уште една.

Преостанува уште клубовите да се договорат за оштетата, Турцијата наводно сакаат најмалку 24 милиони евра.

Premier League side agree terms with Croatia star Domagoj Vida https://t.co/L62VV2KJ3j pic.twitter.com/DO1NWzftP4

— The Sun Football ⚽ (@TheSunFootball) July 26, 2018