Нагелсман призна дека имал понуда од Реал Мадрид

Тренерската сензација од Германија, Јулијан Нагелсман призна дека добил понуда од Реал Мадрид по заминувањето на Зинедин Зидан.

31-годишниот тренер на Хофенхајм многу успешно се справува во Бундеслигата, па го доби надимакот „малиот Мурињо“.

Неговото име се поврзуваше со Баерн Минхен, Арсенал и Дортмунд, но тој одличи да остане во Хофенхајм до 2019 година, а потоа ќе се пресели во Лајпциг.

„Вистина е, добив повик од Реал Мадрид. Нема поголем клуб од Реал Мадрид, но јас имам само 31 година и не сакам да заминам од Германија. Не е сега моментов да одам во друга држава поради семејството“, изјави Нагелсман.

„Ако тренерската кариера продолжи да ми се развива добро, еден ден можеби повторно ќе добијам шанса да работам во клуб од такво ниво“, заклучи Германецот.

Happy Birthday young man ?? @achtzehn99_en #Nagelsmann pic.twitter.com/YWU62kUPK7

— Bundesliga English (@Bundesliga_EN) July 23, 2018