Мурињо спрема нова понуда за Мекгваер

Манчестер Јунајтед не се откажува од намерата да го донесе одбранбениот играч на Лестер и англиски репрезентативец, Хари Мекгваер пренесуваат англиските медиуми.

Од „Олд Трафорд“ подготвуваат подобрена понуда за 25-годишниот англиски репрезентативец во вредност од 65 милиони фунти, откако „лисиците“ ја одбија првата понуда од 50 милиони фунти.

Ако двете страни стигнат до договор, Манчестер Јунајтед ќе мора да продаде еден од тројцата дефанзивци Маркос Рохо, Ерик Баи или Крис Смолинг, за да го финансира доаѓањето на Мекгваер.

Во исто време Лестер се обидува по секоја цена да го задржи дефанзивецот во своите редови и раководството е спремно да му понуди нов договор со зголемување на платата до 75 илјади фунти неделно.