Познати деталите од повредата на Наинголан

Најголемото засилување на Интер ова лето, Раџа Наинголан се повреди за време на пријателскиот меч со Сион, а денес станаа познати и деталите од повредата.

Имено, Интер преку официјално соопштение потврди дека Наинголан има истегнување на бутниот мускул. Од лекарскиот табор на „нероаѕурите“ потврдија дека ќе ја следат состојбата во следните денови.

„Наинголан и Карамо денес поминаа детални лекарски прегледи. Белгиецот има истегнување на бутниот мускул на левата нога, додека Карамо има повреда на десното колено. Состојбата ќе биде под надзор во следните денови“, соопштија од Интер.

Иако од миланскиот клуб не прецизираа колку ќе паузираат двајцата фудбалери, се очекува за две до три недели да се вратат во тренажен процес.