Абрамович со две забрани за Сари: Мора да се почитува дрес-кодот

Новиот тренер на Челзи, Маурицио Сари не наиде на симпатии кај сопственикот Роман Абрамович поради своите стари навики.

Италијанецот кој на „Стенфорд Бриџ“ дојде како замена за Антонио Конте ќе мора да го почитува „дрес кодот“ и на стадион да доаѓа во одело, а не како до сега во тренерки.

Притоа, ќе мора да се откаже од својот порок, а тоа е пушење на полувреме. Сари е страстен пушач и едвај се воздржува да не запали цигара и додека е на клупата, па ваквата одлука сигурно тешко ќе му падне.

Сари ќе мора да носи одело и на конференцијата за новинари, бидејќи Абрамович јасно порача дека мора да се почитува дрес-кодот.