Лош старт: Интер изгуби, Наиголан се повреди на дебито (видео)

Фудбалерите на Интер денес одиграа пријателски натпревар против Сион и забележаа пораз од 2:0.

Лучијано Спалети на овој натпревар ја проба формацијата 4-2-3-1, но баш и не се прослави. Во средниот ред играа Наинголан, Политано и Карамох, а најистурен беше Лаутаро Мартинез.

Но, она што најмногу ги загрижи навивачите на Интер не е поразот. Имено, Раџа Наинголан на теренот помина само 24 минути, Спалети мораше да го замени бидејќи се повреди.

Во овие моменти не е познато од каков степен е повредата на Белгиецот, според првите неофицијални информации би можел да паузира неколку недели.