Ужасни услови и ладна сала – Македонија се жали на третманот на СП!

Македонските ракометари пристигнаа во Албервил со чартер лет од Мец и вчера го одржаа првиот тренинг, но условите на кои наидоа нашите ракометари се далеку од нивото на едно Светско првенство.

Според информациите од нашиот табор, сместувањето и условите за тренинг се далеку под нивото на едно Светско првенство. Собите во хотелот се мали, а денеска тренираа во ладна сала во близина на хотелот.

За ова веќе е реагирано и до надлежните во ИХФ бидејќи слични поплаки има и од другите учесници на ракометниот мундијал.

Денес од 16.00 часот во Албервил, Македонија и Норвешка ќе ја отворат осминафиналната програма, која е поделена во два дена.