Новите сопственици на Милан имаат амбициозен проект, па „росонерите“ се очекува да бидат многу активни во летниот преоден рок и да донесат неколку големи имиња на „Сан Сиро“.
Италијанските медиуми тврдат дека главна мета на „росонерите“ ќе биде ѕвездата на Борусија Дортмунд, Пјер Емерик Обамејанг и дека италијанскиот клуб веќе почнал да работи на трансферот.
Барса на тежок испит, дерби и во Англија! ↓↓↓
Имено, новиот генерален директор на Милан Марко Фасоне, заедно со спортскиот директор Масимилијано Мирабели, одржале состанок со челниците на Борусија Дортмунд во Германија и се спремни да платат 70 милиони евра за неговиот потпис.
Интересно, габонскиот репрезентативец беше дел од Милан од 2007 до 2011 година, но на „Сан Сиро“ никогаш не ја доби потребната шанса, па во 2011 година, по неколку позајмици, го продадоа во Сент Етјен за еден милион евра.
Сепак, Милан ќе има многу потешкотии при реализацијата на овој трансфер бидејќи Обамејанг е еден од најдобрите напаѓачи во светот и за него силен интерес покажуваат уште и Реал Мадрид, Манчестер Сити, Арсенал и ПСЖ.
Учество во игри на среќа е дозволено за лица со 18+ години. Играј одговорно!