Роналдо за необичниот изглед – откри зошто носи „брадичка“

Португалецот привлече големо внимание со својот нов изглед.

Кристиано Роналдо фантастично го започна Мундијалот во Русија во првото коло постигна хет-трик и донесе бод на Португалија, додека денес со голот против Мароко беше најзаслужен за освоените три бода на Португалците.

Ако денот по утрото се познава ова ќе биде фантастичен Мундијал за ѕвездата на Реал Мадрид.
Покрај одличните настапи, Роналдо внимание привлече и со својот необичен изглед.

Имено, тој на Мундијалот се појави со „брадичка“ (goatee – на англиски), а после прославата на голот против Шпанија на сите сакаше да им стави до знаење дека е најдобар на сите времиња.

Зборот „goat“ што во превод значи „јарец“, но често се користи како синоним за најдобар во светот поради буквите кои ги содржи

G – Greatest
O – Of
A – Allга
T – Time

Португалецот сепак ја разреши дилемата и после натпреварот против Мароко откри дека во прашање е само шега со Кварезма.

„Оваа брадичка? Тоа е само шега која ја имав со Кварезма. Бевме во сауната и започнав да се бричам, оставив брадичка и му кажав ако постигнам гол ја оставам до крајот на турнирот. На крајот ми донесе среќа, постигнав гол тогаш, постигнав и денес, па така сигурно останува“, изјави Роналдо.