Изненадување: Јувентус има нов напаѓач!

Буквално од никаде, промоција во Торино!

Јувентус се поврзуваше со повеќе играчи, веќе беа официјализирани Калдара, Спинацола и Перин, се чека Емре Чан, а во Јуве се надеваат дека може да ангажираат и еден бек. Желби се Дармијан од Јунајтед и Кансело од Валенсија.

Покрај големиот број трансфер гласини, денес во Торино беше официјализиран и еден трансфер.

Нов член на Јувентус е 21 годишниот напаѓач, Андреа Фавали.

Тој во Јувентус пристигнува од Асколи, минатата сезона во Серија Б постигна пет погодоци и запиша една асистенција на 12 настапи.

Минатото лето го засили Асколи кој на Ливорно му плати два милиони евра, а своевремено една година помина во младинскиот погон на „старата дама“, во сезоната 2015/2016, запиша и еден настап за првиот тим.

Од Јувентус потврдија дека Фавали ги поминал лекарските прегледи и потпиша договор до 2023 година, а „бјанконерите“ за неговите услуги платија 7.5 милиони евра.

Ritorna Andrea Favilli! ⚪️⚫️

➡️ https://t.co/7LjCMwZs2V #ForzaJuve pic.twitter.com/fPeagxagoW

— JuventusFC (@juventusfc) June 15, 2018