Кој клуб дава најмногу играчи на Мундијалот?

За Светското првенство Русија кое ќе започне на 14 јуни пријавени се 736 фудбалери од нив скоро една третина доаѓа од Англија и Шпанија.

Од фудбалерите кои ќе патуваат во Русија 130 фудбалери и граат во Англија од кои 107 не се Англијчани, додека во Шпанија настапуваат 84, при што 64 не се Шпанци.

Кога се клубовите во прашање најмногу играчи на овој Мундијал дава Манчестер Сити, а потоа следи европскиот шампион Реал Мадрид.

Од земјите кои нема да учествуваат на Мундијалот најмногу играчи играат во Италија 58, а 22 во Турција.

Манчестер Сити во Русија ќе има дури 16 претставници, Реал Мадрид само еден помалку, потоа следуваат Барселона (14), Челзи (12), Тотенхем (12), ПСЖ (12), Баерн (11), Јувентус (11) и Манчестер Јунајтед (11).

Англискиот дрес ќе го бранат играчи од англиски клубови, кај Русите двајца играат надвор од нивната татковина, а кај Саудиска Арабија тројца.

Сенегал и Шведска немаат ниту еден играч од домашното првенство. По еден играч од националната лига имаат Белгија, Исланд, Нигерија и Швајцарија.
Од 736 пријавени играчи 200 од нив веќе одиграле барем еден натпревар на светските првенства.