Иниеста во дилема: Кина или Јапонија?

Легендата на Барселона и шпанскиот фудбал, Андрес Иниеста се уште нема донесено конечна одлука каде ќе ја продолжи кариерата.

Иниеста потврди дека на крајот на сезоната ќе ја напушти Барселона. Плејмејкерот има многу богати понуди и истакна дека конечната одлука ќе ја соопшти следната недела.

„Ми претстои веројатно да ја земам најважната одлука во мојот живот. Размислувам за две варијанти – Кина и Јапонија, секоја со свои нијанси. Сега ми е потребно да проценам сè и да одлучам што ќе биде подобро. Се надевам дека следната недела ќе можам да ја објавам одлуката за да се фокусирам на подготовките за Светското првенство“, изјави Иниеста.

Иниеста дебитираше за Барселона во 2002 година, до сега одигра 435 натпревари и стекна легендарен статус. Со клубот и репрезентацијата ги освои сите можни трофеи.