Фудбалерите на Реал Мадрид синоќа на гостувањето ремизираа против Барселона со резултат 2:2 во дербито на 36. коло во шпанската Ла Лига.
Барселона во два наврати имаше предност против Реал, но на крајот лутите ривали ги поделија бодовите. Првиот гол за Реал Мадрид го постигна Кристијано Роналдо, кој во тој момент заработи повреда после дуелот со Пике.
Роналдо побара лекарска помош поради болките во зглобот, но успеа да се врати на теренот. Иако играше до крајот на првиот дел на паузата Зидан одлучи да не ризикува и го остави Португалецот на клупата.
„Роналдо? Не е добар во овој момент, но мислам дека ништо не е озбилно. Верувам дека само доби само посилен удар. Ќе знаеме повеќе откако ќе ги помине тестовите, но верувам дека тоа е полесна повреда и не сум загрижен дали ќе игра во финалето на ЛШ.“ – изјави Зизу.
Учество во игри на среќа е дозволено за лица со 18+ години. Играј одговорно!