Се огласи самиот Марсело: Нема да лажам, беше пенал

По натпреварот помеѓу Баерн Минхен и Реал Мадрид повторно има за што да се зборува, овој пат за недосуден пенал во корист на Германците.

Се играше судиското продолжение од првата минута кога топката по едно нафрлување го погоди Марсело во раката, но судијата Чунејт Чакир не се огласи и не покажа на белата точка.

По натпреварот со своја изјава во јавноста излезе и самиот Марсело кој потврди дека топката го удрила во раката.

„Играв со рака, тоа беше пенал. Доколку кажам дека не е така би излажал, таков е фудбалот“, изјави Марсело.

Иначе, Реал Мадрид после ремито 2:2 обезбеди пласман во финалето во Киев откако во Минхен славеше со 1:2. Противникот „кралевите“ ќе го дознаат по вечерашниот помеѓу Рома и Ливерпул.