„Eл Паис“ открива: Посебната клазула во договорот Нејмар стартува од 1-ви септември!

Според однесувањето изгледа дека најскапиот фудбалер на светот, Нејмар баш и не го интересира премногу тимот на Пари Сен Жермен.

Одличниот фудбалер во овој момент во Бразил се опоравува од тешката повреда. Како што наведува „Ел Паис“ од ПСЖ побарале Нејмар да се врати во Франција и таму да продолжи со опоравувањето, но фудбалерот тоа го одбил.

Не успеале да го убедат да дојде во Париз, ја пропушти и прославата на титулата, а тоа многумина му го замерија. Сепак во ПСЖ немаа храброст да му изречат одредена казна.

Споменатиот медиум наведува и дека Нејмар во Париз би можел да помине само уште една сезона. Имено, стигнаа до информации за клазула во неговиот договор според која од 1 септември 2018 години тој може да си замине за помала сума отколку што тоа би било случај ова лето.

Не се наведуваат бројки, но се претпоставува дека ако сега ПСЖ бара 400 милиони, тогаша цената би изнесувала најмногу 300, што секако повторно не е мала сума.

Нејмар оваа сезона во ПСЖ одигра 30 натпревари и постигна 28 погодоци.