Пеп пак по својот миленик, „граѓаните“ спремија 50 милиони фунти

Своевремено управата на Баерн Минхен му излезе во пресрет дали сега истото ќе го направи и оваа на Манчестер Сити?

Островските медиуми утрово пренесуваат вест дека Пеп Гвардиола сака да го засили својот тим со Тијаго Алкантара.

Алкантара важи за миленик на Гвардиола, според многумина и негов наследник поради позицијата која ја игра и стилот. Пеп инсистираше на негово доведување од Барселона како тренер на Баерн Минхен, а сега истото се повторува и во Манчестер Сити.

Според гласините, „граѓаните“ наводно се спремни за неговите услуги да издвојат околу 50 милиони фунти.

Главната причина што сумата во евентуален трансфер на Алкантара би била висока е што овој играч минатата година потпиша нов договор со Баерн Минхен кој има важност до 2021 година.