Видео: Играчите на Јувентус ја уништуваа белата точка пред Роналдо да го изведе пеналот

Главна тема во спортските медиуми и понатаму е досудениот пенал кој Кристиано Роналдо го претвори во погодок и го одведе Реал Мадрид во полуфиналето од Лигата на шампионите.

Фудбалскиот свет е поделен околу одлуката на судијата Мајкл Оливер. Секако шпанските медиуми кои се наклонети кон Реал објавуваа дека пеналот е „чист како солза“, додека Италијанците овој натпревар го обележија како „кражба на векот“.

Два дена после натпреварот на интернет се појави снимка на која може да се види како играчите на Јувентус, поточно Киелини, Лихштајнер и Шчесни со копачките ја уништуваат белата точка, пред Роналдо да го изведе пеналот.

Тоа беше забележано од Васкез и Асенсио кои веднаш пријавија кај главниот судија.