Буфон: Не можам да спијам поради Роналдо, Реал е подобар од нас!

Капитенот на Јувентус, Џиџи Буфон зборуваше за утрешниот спектакл во Лигата на шампиони кога во Торино ќе пристигне Реал Мадрид.

„Тоа е натпревар кој за нас е многу важен, но знаеме дека ќе биде тешко. Историјата вели дека Реал Мадрид е подобар од нас, и има феноменални поединци“, изјави Буфон.

„Знаеме дека се играат два натпревари и во такви ситуации не поминува секогаш подобриот тим. Доколку успееме да го елиминираме во два натпревари, ќе направиме нешто големо“, заклучи Џиџи, а потоа го прокентира дуелот со Роналдо.

„Кога играте против екипи како Реал отсуството на еден играч не игра голема улога. Кога знам дека ќе се соочам со Кристиано Роналдо со ноќи не можам да спијам“.

Добра вест за Јувентус е што пред утрешниот дуел се враќаат Алекс Сандро и Бернардески, па под знак прашалник е само Манџукиќ.