Касиљас се сели во Англија: Еден од најдобрите голмани во историјата на фудбалот го облекува дресот на големиот гигант!?

Порто на „Ендилд“ на 6. март остана непоразен, натпреварот заврши без голови, но „Змејовите“ го завршија елитното натпреварување за оваа сезона, бидејќи на свој терен беа празени со дури 5:0 од Ливерпул.

Икер Касиљас таа ноќ ги воодушеви сите на славниот стадион, успеа да ја сочува својата мрежа, а се истакна и со неколку одлични одбрани. Искусниот Шпанец на стартот од второто полувреме доби голем аплауз од најжестоките поддржувачи на екипата од „Енфилд“, а тој момент пријатно го изненади и воодушеви.

„Сакам да се заблагодарам на сите навивачи на Ливерпул на овој прекрасен детал. Аплаудирањето на играч од противничкиот тим не е вообичаена работа“, изјави Касиљас по натпреварот.

Поранешниот голман на Реал Мадрид така можеби го одигра последниот натпревар во Лигата на Шампионите, бидејќи извесно е дека ќе го напушти Порто на крајот од сезоната. Меѓутоа, сега се појави солуција дека ќе ги засили токму „Црвените“. Наводно, славниот клуб е блиску до ангажирање на голманот, иако се споменуваше дека Шпанецот се договорил со Њукасл.

Мињоле и Кариус не ја оправдаа довербата на Клоп, првата мета е апсолутно нереалниот Алисон од Рома, но сега се шпекулира дека местото би можел да го пополни Касиљас, кој исто така има понуди и од Кина и од МЛС. Имено, во овој момент тој е голманот кој го сака Клоп, Германецот верува дека неговото искуство би можело многу да му значи на тимот. Одлуката дефинитивно ќе падне на 1. јули, кога и му истекува договорот.