Златан Ибрахимовиќ пристигна во Лос Анџелес. Легендарниот шведски напаѓач после неполни две сезони го раскина договорот со Јунајтед и одлучи кариерата да ја продолжи во МЛС лигата, односно во дресот на Лос Анџелес Галакси.
Голем број навивачи на овој тим го пречекаа Златан. Видливо беше воодушевувањето помеѓу нив. Ибра се фотографираше со нив и не ја криеше радоста што стана член на Галакси.
Да потсетиме, Златан овој трансфер го најави во ЛА Тајмс. Ја закупи целата страница на весникот со само две реченици: Почитуван Лос Анџелес. Нема за што.
Ибра својот деби натпревар би требало да го има веќе викендот против ривалот Лос Анџелес и тоа без ниту еден тренинг со остатокот од тимот.
Во богатата кариера 36. годишниот фудбалер играше за бројни фудбалски великани. Покрај Јунајтед, Ибра настапуваше уште за ПСЖ, Интер, Милан, Јувентус, Барселона, Ајакс и шведски Малме каде ја започна кариерата.
Учество во игри на среќа е дозволено за лица со 18+ години. Играј одговорно!