Катастрофална вечер – Санчез постави негативен рекорд во Лигата на шампионите

Манчестер Јунајтед во вчерашниот натпревар доживеа пораз во Лигата на шампионите од тимот на Севиља (1:2), а со самото тоа и елиминација од најелитното европско натпреварување.

Секако, по натпреварот голем дел од фудбалерите на „ѓаволите“ беа на удар на навивачите поради лошиот настап, како и тренерот Жозе Мурињо.

Еден од фудбалерите кои беше најмногу критикуван е Чилеанецот Алексис Санчез кој постави негативен рекорд за оваа сезона во Лигата на шампионите.

Имено, Санчез против Севиља изгубил дури 42 топки што е повеќе од било кој играч оваа сезона во ова натпреварување.

По ова јасно е зошто легендата на Манчестер Јунајтед, Пол Сколс по вчерашниот натпревар истакна дека кога тој би бил менаџер би го седнал Санчез на клупата за резерви.