Кутињо го пофали новото засилување на Барселона

Барселона вчера го комплетираше трансферот на Бразилецот Артур, кој доаѓа од Гремио за 30 милиони евра.

21-годишниот играч за врска ќе се приклучи на тимот на Барселона, а Филипе Кутињо имаше само пофални зборови за сонародникот.

„Артур е голем играч. Бевме заедно во репрезентацијата и само по неколку тренинзи се гледа дека има огромен квалитет“, изјави Кутињо.

Со доаѓањето на Артур Барселона ќе ја зголеми јужноамериканската колонија на „Камп Ноу“, бидејќи во јануари покрај Кутињо го донесоа и колумбискиоит репрезентативец Јери Мина.