Федерер: Мојата популарност се зголеми поради Ѓоковиќ и Надал

Роџер Федерер смета дека популарноста му пораснала во периодот на доминација на Новак Ѓоковиќ и Рафаел Надал.

Швајцарецот пред неколку недели се врати на првото место на АТП листата, во последните 13 месеци освои три од четири Гренд слема на кои учествуваше.

„Кога не ги освојував турнирите луѓето ме гледаа како обичен човек кој само се мачи. Мислам дека токму поради доминацијата на Надал и Ѓоковиќ, мојата популарност порасна кога се вратив на врвот“, изјави Федерер.

Федерер потоа прокоментира и за тоа како според него би изгледал тенисот кога големата четворка ќе се повлече.

„Тешко е да се очекува сега еден играч да освои десет Гренд слемови. Сметам дека поглем број на тенисери ќе освојат по еден или два. Но, тоа не ми се предвидуваше и мене. Кога ќе влезеш во серија каква што имавме јас и Ѓоковиќ, престануваш да мислиш, а потоа кога после неколку години ќе погледнеш зад себе гледаш дека си освоил десет Гренд слема. Тоа е лудо“, изјави Федерер.