Скаутот на Барселона „се фати“ за работа: Ова се желбите на каталонскиот гигант

Според пишувањата на „Mundo Deportivo“, Хозе Мари Бакеро, скаутот на Барса, минатиот викенд беше во Холандија, каде што ги гледаше настапите на неколку играчи на Ајакс.

Станува збор за Матјес Де Лигт, Џастин Клајверт, Френки Де Јонг и Дони ван де Бек. Како што пишува споменатиот извор доколку на лето Вермален го напушти клубот или Мина си замине на позајмица, Барса ќе направи се за во своите редови да го доведе Матјес Де Лигт. Неговото доаѓање би чинело околу 40 милиони евра.

Од другата страна, Френки Де Јонг ќе биде потенцијална мета во случај Денис Суарез, Андре Гомес или Алеш Видал да го напуштат клубот. Дали овие трансфери ќе се реализираат, останува да видиме.