Милан заинтересиран за екс фудбалер на Интер

Раководството на Милан покажува сериозен интерес за фудбалерот на Џенова, Диего Лаксалт, пренесуваат италијанските медиуми.

„Росонерите“ се спремни да испратат инетерсна понуда во која ќе биде вклучен и Андреа Бертолачи, кој моментално игра како позајмен фудбалер во Џенова.

Милан и Џенова имаат одлична соработка, па минатото лето покрај Бертолачи кај „грифоните“ се пресели и Џанлука Лападула.

Џенова следното лето треба да им исплати на „росонерите“ 10 милиони евра за услугите на Лападула, а Милан сака за возврат да го добие Лаксалт.

Уругваецот игра фантастична сезона во Џенова и го привлече вниманието на многфу големи клубови, па Милан сака што е можно побрзо да го договори трансферот.

Потсетуваме, Лаксалт е поранешен играч на Интер, но не остави силен впечаток на „Џезепе Меаца“ и запиша само неколку натпревари со дресот на „нероаѕурите“.