Порто во големи проблеми: Клучот против Ливерпул ќе го нема

Камерунскиот напаѓач денес не тренираше со остатокот на тимот поради повреда на мускулите и неизвесно е дали ќе настапи на мечот против Ливерпул.

Абубакар ги пропушти последните два меча, дербито против Спортинг во Купот на Португалеија и лигашкиот меч против Шавес.

Тој во досегашниот дел од сезоната одигра 28 натпревари и постигна 20 погодоци. Во ЛШ постигна 5 од 15те погодоци на Порто.

Покрај Абубакар, проблем со повредите во Порто имаат и Иван Маркано, Андре Андре и Данило Переира.

Фудбалерите на Порто се непоразени во последните 23 меча во сите натпреварувања, а на свој терен изгубија само еднаш и тоа од Бешикташ во групната фаза во ЛШ.

Португалскиот тим никогаш не славеше против Ливерпул во последните четири средби.

Порто втора година во низа игра во осминафиналната фаза во ЛШ и ќе се обиде да го прескокне овој дел првпат по сезоната 2014/2015.

Од друга страна, Ливерпул сака да стигне до четвртфиналето првпат по сезоната 2008/2009. година.

Натпреварот помеѓу Порто и Ливерпул се игра утре од 20:45 на стадионот Драгао.