Азар се отвори и без пардон одговори: Од кого најмногу се плашам во Барса? – Се знае од човекот кој не е од оваа планета

Пред екипата на Челзи следната седмица е голем испит, со оглед на тоа дека во рамки на осминафиналето во ЛШ на свој терен ќе ја пречекаат Барселона.

Осминафиналето во ова натпреварување донесе неколку големи судири, а еден од нив е и дуелот помеѓу старите ривали Челзи и Барселона. „Плавите“ не се баш во најдобра форма во последно време, но во минатото знаеа да им наштетат на Каталонците.

Челзи своите надежи ги темели на Еден Азар кој е прва виолина во лондонскиот клуб. Белгиецот пред средбата со Барселона даде интересна изјава за тоа кој е најголемата закана за неговата екипа во двомечот кој следи.

„Кој најмногу ме плаши во Барселона? Па, знаете дека имаат фудбалер кој не е од оваа планета. Тој е поинаков и класа над останатите. Сепак, тоа не е само играч, туку тим кој функционира многу добро. Па, дајте знаете на кого мислам“, истакна Азар.