Видео: Икарди не реализраше пенал, Интер со нов пораз, Голеада за едно полувреме во Неапол

Денес со почеток во 15:00 часот во италијанската Серија А се одиграа пет натпревари.

Интер по поразот од Удинезе им приреди ново непријатно изненадување на своите навивачи, овој пат „нероаѕурите“ беа поразени од Сасуоло со 1:0.

Сасуоло до предност стигна во 34 минута кога Политано нафрли, а неговиот центаршут го искористи, Фалсинели. Интер создаваше шанси, но реализација немаше. На стартот од вториот дел гостите од Милано ја пропуштија и најголемата шанса да стигнат до погодок, Мауро Икарди не реализираше пенал.  На крајот погодокот од првото полувреме на домаќините се покажа како одлучувачки.

Наполи и славеше со 3:2 против Сампдорија во натпревар во кој видовме две различни полувремиња. Гастон Рамирез со фантастичен погодок ја доведе Сампдорија во водство, Алан во 16 минута израмни на 1:1. Десетина минути подоцна, Фабио Кваљарела погоди за ново водство на Сампдорија, а до крајот на првиот дел Инсиње и Хамшик погодуваа за пресврт и победа на домаќинот.

Во останатите натпревари, Беневенто загуби со гол во последната минута од Џенова со 1:0, СПАЛ и Торино одиграа 2:2, додека Удинезе ја декласираше Верона со 4:0.