ХОРОР во домот на Аргентинската икона: Легендата на Порто и Олимпик Марсеј се обиде да ја убие својата сопруга!

Шокантни вести, некогашниот играч на Порто и Олимпик Марсеј, Лучо Гонзалес е обвинет дека се обидел да ја убие својата сопруга.

Инцидентот се случил на осми декември, а на некогашниот репрезентативец му е забранет пристап на помалку од 500 метри, а во следните 90 дена нема да може да ги види ниту своите деца.

Обвинението го поднела токму неговата сопруга, Андреа да Силва Маркес Гонзалес.

„Мојот сопруг, Лучо Гонзалес, се обиде да ме убие“, истакнаа таа.

„Се скаравме и се обиде да ме убие. Потоа ја испразни куќата, го зеде цел мој накит, сите пари од нашата сметка, ги блокираше моите картички и ги украде моите пари. Се обиде да ме задуши и да ми ги пресече вените, ме закачи да висам на терасата и ги повика децата да ме гледаат одоздола. Нашите вработени повикаа полиција и тој ме фрли од терасата, бидејќи под дворот играа моите деца со кучињата, а потоа почна да вика: Ќе те убијам, ќе те убијам“, истакна сопругата на Гонзалес.