Дома Македонски спорт Мак ракомет Охрид со 14 гола разлика во Кавадарци го најави европскиот викенд

Охрид со 14 гола разлика во Кавадарци го најави европскиот викенд

Охрид со 14 гола разлика во Кавадарци го најави европскиот викенд

Охрид со убедливи 39-25 на теренот на Тиквеш ја заврши обврската од 11. суперлигашко коло и направи добра увертира за европскиот викенд. Кавадарчани немаа одговор за гостинскиот напад, кој уште во првиот дел создаде основа за мирна завршница.

Во салата „Јасмин“, охридскиот состав брзо го наметна својот ритам. По 15 минути резултатот беше 9-4 за гостите, а предноста потоа порасна и до 16-9. Тиквеш до одморот намали на 11-17, но не успеа да го направи натпреварот понеизвесен.

Охрид продолжи да ја зголемува разликата и по паузата, па на истекот од 40. минута веќе водеше со 26-16. Мате и Стмрљан го завршија дуелот со по седум гола, Адама Кеита додаде шест, додека Дино Славиќ забележа 12 одбрани. Во домашниот тим Гавидиа постигна седум погодоци.

Победата во Кавадарци се надоврзува на претходните успешни настапи во домашното првенство. Охриѓани на 27 октомври го совладаа Еурофарм Пелистер 2 со 35-19, а четири дена подоцна славеа и кај Куманово со 28-24.

Следниот предизвик е Драгунас Клаипеда во третото коло од Европскиот куп на ЕХФ. Двата натпревара против литванскиот претставник се закажани за 21 и 22 ноември во Охрид, со почеток во 18 часот, во салата „Билјанини Извори“.

Во претходната европска рунда Охрид беше убедлив против Спор Тото, со две домашни победи: 36-24 и 38-22. По вкупните 74-46 во тој двомеч, охриѓани сега ќе се обидат повторно да го искористат домашниот терен за продолжување на европскиот настап.

Коментари
Прочитајте поврзани статии
Load More In Мак ракомет

Проверете

Магдебург го растури Фленсбург за врвот, Берлин со пресврт го урна Кил

Магнусон блесна со 14 гола во победата на Магдебург од 37:29, а Фуксе Берлин ја надомести …