Водачот на навивачката група на албанската фудбалска репрезентација „Тифозат Куќ е Зи“, Ерјон Вишкули, се соочува со уште една операција по тешката повреда на окото здобиена на протест во Тирана. Според медиумските извештаи, 28-годишникот бил погоден со гумен куршум испукан од полицаец.
За неговото лекување информираше Агрон Шехај, лидерот на партијата „Мундесиа“. Тој го посетил Вишкули во Трауматолошката болница, каде што разговарал со медицинскиот тим и со семејството. Како што пренесе Шехај, првата хируршка интервенција веќе е извршена, но ќе биде потребен и нов оперативен зафат.
Повредата се случила за време на судирите меѓу полицијата и демонстрантите во албанската престолнина. Присутните се обиделе веднаш да му помогнат на Вишкули, а на снимките што се појавиле во јавноста се гледало крвавење во пределот на окото.
Шехај ја обвини полицијата за повредувањето на младиот навивач и побара законска одговорност за насилството. Во своето обраќање го посочи и премиерот Еди Рама.
Веста за повредата предизвика реакции и пораки за поддршка за Вишкули, кој е на чело на една од најпознатите навивачки групи во Албанија.
Собирот на кој бил повреден првично бил организиран поради студентски барања за подобри услови. Во текот на протестот, покрај тие барања, биле упатени и повици за оставка на Рама.
Учество во игри на среќа е дозволено за лица со 18+ години. Играј одговорно!