Европската фудбалска унија (УЕФА) внимателно го следи развојот на настаните околу Манчестер Сити и чека завршување на дисциплинскиот процес што го води Премиер лигата. Ова го пренесува Скај Спорт, кој истакнува дека УЕФА може да преземе мерки против клубот по завршувањето на истрагата.
Независна комисија утврди дека Манчестер Сити ги прекршил финансиските правила на Премиер лигата во периодот од 2009 до 2018 година. Овие прекршувања вклучуваат и пет точки поврзани со непочитување на правилата за финансиски фер-плеј на УЕФА.
Според тогашните финансиски прописи на УЕФА, клубовите беа ограничени на трошење средства кои сами ги заработиле, во рамките на утврдените барања за изедначување на приходите и расходите. Независната комисија исто така утврди дека сопствениците на Манчестер Сити вложиле 830 милиони фунти сопствени средства, кои биле прикажувани како приходи од спонзорски договори.
Манчестер Сити поднесе жалба на одлуката, тврдејќи дека има неоспорливи докази дека клубот не е одговорен за прекршувањата.
Учество во игри на среќа е дозволено за лица со 18+ години. Играј одговорно!