Вардар покажа моќ, Кристијанштад ни до „колена“ на европските шампиони!

Македонскиот и европскиот шампион денес во целост ја покажа својот надмоќност против тимот на Кристијанштад.

Црвено-црните одиграа маестрален натпревар и славеа со убедлива победа од 31:15. Вардарци уште во првиот дел ја најавија убедливата победа, одличнииот Арпад Штербик и овој пат беше на своето ниво. По првиот дел игра избраниците на Раул Гонзалес имаа предност од 14:8.

Во вториот дел Вардар покажа и поголема моќ. На гостите им беа потребни дури 20 минути за да постигнат само два погодоци, а Вардар стигна до убедлива предност од 25:9.

По големата предност Гонзалес доби прилика и да ги одмори најдобрите, Штербик натпреварот го заврши со 19 одбрани, а најдобар стрелец беше Дибиров со девет погодоци.